Seint, men godt

I fjor var eg og Sigrid truleg om lag først ferdige av alle med turorienteringa her i området. 50 postar vart framfunne med kart og kompass i dei mørke, djupe skogane og stempla ut. I år har me av opplagte årsaker (studiar og bryllaup) ikkje kunne prioritert skogtrimmen i mai og juni. Men i går var me innom Intersport og fekk med oss papira heimatt. Me fann etterkvart ut at me ville byrje med det som var nærast og gå der i morgon (søndag), men under laugardagsfrukosten (med nugatti) vart det til at me reiste til Nybygda (jepp, Hilde GP bur der) i dag og til Brøttumfjella i morgon.

Og før me visste ordet av det hadde me vore på ti postar og fått med oss 65 poeng. Sidan eg rota meg litt veldig bort frå Sigrid i jakta på post nummer 23 (og fekk fortent skamkjeft for det etterpå sidan ho hadde kart og kompass, medan eg berre hadde intuisjon (og visste kor bilen var)) var eg på post 22 1,9 gonger... Det einaste me hadde gløymt frå i fjor var alle flugene, insekta, myggane osv:-( Men kjekt å sjå frosken hoppe mellom beina på meg. Og me såg ikkje bjørn (det er visst klappjakt på fleire bjørnar her i kommunen for tida...).



For å få gullmerke, som me sjølvsagt fekk i fjor og skal ha i år, treng me 500 poeng. Målet vårt er sjølvsagt alle postane og dermed 600 poeng. Og fristen for å bli ferdig er 23. september.